Предложить новость

Предыдущая версия сайта ※ перейти ››

«Горячая линия» газеты «Адзінства»:  73-04-77,  73-12-35

12.05.2020 10:30

Захаваць дзённікі пісьменнікаў

Унікальная кніга падрыхтавана ў выдавецтве «Мастацкая літаратура»

У кнізе «Мы жылі ў буднях барацьбы» сабраны дзённікі чатырох літаратараў: Міколы Лобана — «Перамога ўжо відна…», Антона Алешкі — «І ў марах успамінаць усё…», Пятра Валкадаева — «За Глускам у маладых барах…», Вісарыёна Гарбука — «Мой лёс не даў мне ціхагага жыцця…». У кожнага з пісьменнікаў — свой ваенны і творчы лёс. Укладальнік, аўтар прадмовы, уступнага артыкула і каментарыяў — вядомая архівістка Ганна Запартыка.

У анатацыі адзначана: «У выданні ўпершыню пад адной вокладкай друкуюцца дзённікі чатырох беларускіх пісьменнікаў перыяду Вялікай Айчыннай вайны. Выключнасць кожнага ў тым, што яны адлюстроўваюць падзеі на розных ваенных напрамках, з’яўляюцца своеасаблівым геаграфічным ці тапанімічным паказчыкам вялікіх шляхоў Перамогі. Мікола Лобан — удзельнік баёў на Ленінградскім фронце, быў двойчы паранены. Антон Алешка Вялікую Айчынную вайну прайшоў франтавым урачом, спачатку на Заходнім фронце, а потым на 3-м Беларускім. Дзённік Пятра Валкадаева раскрывае гераічныя і трагічныя старонкі партызанскага руху на Магілёўшчыне. Запісы Вісарыёна Гарбука адлюстроўваюць падзеі 1941—1945 гг., звязаныя з абаронай Масквы, вызваленнем Беларусі, Польшчы, узяццем Берліна».

Выхад зборніка вырашае дзве важныя задачы: уводзіць у шырокі навуковы і грамадскі ўжытак новыя крыніцы па гісторыі Вялікай Айчыннай вайны і засцерагае ад знікнення ўнікальныя тэксты.

www.zviazda.by

Нашли ошибку? Выделите её и нажмите CTRL + ENTER
235