Предложить новость

Предыдущая версия сайта ※ перейти ››

«Горячая линия» газеты «Адзінства»:  73-04-77,  73-12-35

06.02.2020 17:00

Унікальныя аўтографы паказала Барысаўская бібліятэка на кніжнай выставе ў Мінску

У XXVII Мінскай міжнароднай кніжнай выстаўцы-кірмашы ўдзельнічаюць амаль 400 прадстаўнікоў з 30 краін свету. Адну з самых унікальных экспазіцый прэзентавала Барысаўская цэнтральная раённая бібіліятэка імя Каладзеева.

Барысаўская ЦРБ удзельнічае ў Мінскай міжнароднай кніжнай выставе ўпершыню. Экспазіцыя бібліятэкі незвычайная. У фондах установы захоўваецца адмысловая калекцыя: больш за тысячу кніг з аўтографамі пісьменнікаў, выдаўцаў, краязнаўцаў, грамадскіх дзеячаў.

— На выстаўцы мы прадэманструем, мабыць, толькі сотую частку аўтографаў, — расказвае бібліятэкар Валянціна Сакалова. — Мы рабілі копіі старонак з аўтографамі і раскладвалі іх па папках. Усё складзена такім чынам, каб была тэматычная разбіўка, а таксама размежаванне па гадах. Кожны жадаючы зможа падысці да нашага стэнда і пагартаць папкі, уласнымі вачыма пабачыць гэтыя каштоўныя подпісы.

1 copy

Валянціна Сакалова рассказала як у бібліятэку трапляюць кнігі з подпісамі аўтараў.

— Шмат кніг бібліятэцы падарылі сябры пісьменнікаў Янкі Маўра, Максіма Танка, Івана Шамякіна. А вось аўтограф Міхася Клімковіча, аўтара гімна БССР, — гартае адну з папак суразмоўца. — Калісьці ў Барысаве жыў вядомы для нашага горада чалавек Яўген Замерфельд. Сярод яго сяброў і знаёмых было дастаткова пісьменнікаў. Яны падпісвалі і дарылі яму свае кнігі. Так і ўтварылася калекцыя нашага земляка.

2 copy 1

Самы стары аўтограф датуецца 1946 годам: сваю кнігу падпісаў вядомы беларускі пісьменнік Янка Маўр. Яе бібліятэцы перадала дачка Яўгена Замерфельда.

— У нас часта адбываюцца мерапрыемствы, на якіх аўтары падпісваюць свае кнігі і дораць нашай установе, — дадае Валянціна Сакалова. — Нядаўна нас наведвала Людміла Рублеўская і падарыла сваю падпісаную кнігу. Каштоўных аўтографаў сапраўды багата, і з часам калекцыя будзе толькі павялічвацца.

4 copy

https://www.mlyn.by/2020/02/unikalnyya-autografy-pakazala-barysauskaya-bibliyateka-na-knizhnaj-vystave-u-minsku/?fbclid=IwAR1gQnw_DnCmyL_ipVyVccAh6kRtnWryWpmYrJdhTzmWkPGCX282Lakt76o

Нашли ошибку? Выделите её и нажмите CTRL + ENTER